Til baka á forsíðu

Persónuverndarstefna

Síðast uppfærð 3. nóvember 2026

Tento („Tento“, „við“) er í stofnun. Þar til Tento ehf. hefur verið skráð ber stofnandi Tento ábyrgð á persónuupplýsingum sem unnið er með á þessum vef. Tento ehf. verður ábyrgðaraðili persónuupplýsinga í Boða. Hafðu samband á tento@tento.is um allt sem varðar persónuvernd.

Boði er enn í þróun og ekki kominn í App Store eða Google Play. Kaflarnir um Boða lýsa því hvernig hann virkar og gilda frá þeim degi sem hann kemur út. Kaflinn um þennan vef gildir nú þegar.

Það sem við getum ekki séð

Skilaboð, myndir, myndbönd, raddskilaboð og límmiðar sem þú sendir í Boða eru dulkóðuð enda á milli í símanum þínum (MLS-samskiptareglan). Lyklarnir eru aðeins í tækjum fólksins í samtalinu. Tento hefur þá ekki og getur hvorki lesið skilaboðin þín né afhent þau öðrum. Sama á við um dulkóðað öryggisafrit: það er læst með endurheimtarlykli sem aðeins þú hefur.

Upplýsingar sem við vinnum með í Boða

Til hvers

Til að veita þjónustuna (skrá þig inn, koma skilaboðum til skila, endurheimta afrit), til að verjast misnotkun og svikum, til að stýra áskrift og kaupum, og til að uppfylla lagaskyldur. Grundvöllur vinnslunnar er samningur við þig (notkunarskilmálar), lögmætir hagsmunir af öruggri þjónustu og, þar sem við á, samþykki þitt (t.d. fyrir tilkynningum).

Við seljum aldrei upplýsingar um þig og notum þær ekki í auglýsingar. Það eru engar auglýsingar í Boða.

Vinnsluaðilar

Við notum hýsingaraðila fyrir þjóninn innan EES og póstþjónustu fyrir innskráningarkóða, sem verða nafngreind hér áður en Boði kemur út, auk Expo (tilkynningar, sem sendir áfram til Apple og Google), Apple og Google (forritaverslanir og greiðslur), RevenueCat (umsýsla áskrifta) og Kenni (rafræn skilríki). Enginn þeirra fær aðgang að efni skilaboða.

Hve lengi

Aðgangsupplýsingar eru geymdar þar til þú eyðir aðganginum. Þú getur eytt honum hvenær sem er í Ég → Aðgangur og öryggi → Eyða aðgangi. Þá eyðum við strax nafni, notandanafni, netfangi, fingrafari kennitölu, tengiliðum, lokunum, öryggisafriti, prófílmynd og innskráningum. Skilaboð sem aðrir hafa þegar fengið eru áfram í tækjum þeirra. Dulkóðaðar skrár hverfa innan 30 daga. Tilkynningar um misnotkun eru geymdar meðan málið er til skoðunar og þeim er eytt 90 dögum eftir að það hefur verið afgreitt.

Beiðnir lögreglu og annarra yfirvalda

Þessi vefur, tento.is

Vefurinn notar engar vafrakökur, enga vefgreiningu og enga rakningu, og sækir hvorki letur né annað efni frá þriðju aðilum. Hann er hýstur hjá Cloudflare, Inc., sem vinnur tæknileg gögn eins og IP-tölu til að afhenda síðuna og verjast árásum. Cloudflare er vottað samkvæmt gagnaverndarramma ESB og Bandaríkjanna (EU-U.S. Data Privacy Framework).

Ef þú sendir okkur tölvupóst, til dæmis til að fá að vita þegar Boði kemur, notum við netfangið þitt og það sem þú skrifar aðeins til að svara þér og láta þig vita, og geymum það ekki lengur en þörf er á. Þú getur hvenær sem er beðið okkur um að eyða því.

Réttindi þín

Þú átt rétt á að fá aðgang að upplýsingum um þig, fá þær leiðréttar eða þeim eytt, takmarka vinnslu, andmæla vinnslu og fá upplýsingarnar afhentar til flutnings. Hafðu samband á tento@tento.is. Þú getur líka kvartað til Persónuverndar (personuvernd.is).

Börn

Boði er ætlaður fólki 13 ára og eldri.

Breytingar

Ef við breytum stefnunni látum við vita í Boða áður en breytingin tekur gildi og birtum nýja útgáfu hér.